يا صاحبي منهو الذي قد زعلك مرّه و جاك

أهدر وجل كل الحيا .. جا دنّسه .. ما أنصفه

يا صاحبي هذا الذي قد خان ماي(ن) في سماك

هذا الذي نادى الوجع و اتلذذه و اتلحفه

أقسم بربي لو رآى طيفك ترا يعبد ثراك

يعبد ثرى جد الذي من أنجبك .. لو يعرفه

لو هوْ عرف معنى الوفا .. معنى الدفا .. كان اشتراك

كان اشترى كل افرح ( واهداه لك) من كل شفه

أقسم بربي غلطتك .. كل غلطتك .. إنه جفاك

و إنه جفا العشق الذي استصغره و استسخفه

أقسم بربي قصتك .. كل قصتك: طعم الهلاك

شلي بلى قلب(ن) كبير(ن) في زوابع عاصفة

شلي جبر قلبك عليه (اللي سكن قلبك رثاك) !

اللي تحبه قد رحل ... صرت قصه هايفه

هاحلب كافر ما نصف .. متزندق(ن) يخدش حياك

مارقْ وقاض(ن) مدعي .. ظالم و جاحد تسعفه

يا صاحبي وش حيلة اللي أقسم إنه ما نساك

مدّ البصر يا صاحبي .. تلقى عيوني واجفه

تلقى حروفي تسكنك .. ما تطعنك .. ربي يْهداك

اعرف من اللي يعشقك (ما شفت عيني راجفه) ؟

ما شفت عين تحضنك .. ما شفت حد يمشي وراك ؟؟؟ !!!

هذاك انا كنت أتبعك .. خلفك  خذتني العاطفة

هيْ مريم العذرا هنا يا صاحبي و إلا هناك

ها الدم يعزف داخلي (دم .. دم) و أنا بتْ أعزفه

ها القلب ينبض داخلك و إلا أنا أنبض معاك

ها الجرح ينزفني ألم .. و إلا ألم بي ينزفه

ها النبض يسكن بي انا و إلا أنا أسكن غلاك

ها الدمع يذرفني وجع .. و إلا وجع جا يذرفه

قلبي نطق .. عرقي شهق .. كلي انا أقسم فداك

عمري و روحي و الجسد .. بيدك ظلال(ن) وارفه

يا صاحبي عيد النظر ( لا .. لا يهزك ارتباك)

راجع حساباتك ترا: بعض المشاعر زايفة

مايو 2005 مــ

جاسم آل محمد

العودة للصفحة الرئيسية